حورات

أحمد صالح: مرتضى منصور مثير للجدل … ولن أعمل بشربين لهذا السبب

 

حوار سعد عبد الغفار

أحمد صالح نجم نادى الزمالك والأتحاد السكندرى ومنتخب مصر السابق حرصت ” سبورت نيوز” على محاورتة والتعرف منة على طموحة فى التدريب والعروض التى تلقاها مؤخرا .

_ ما هو سبب رحيلك عن نادى النجوم هذا الموسم ؟

 

أنا أعتذرت لظروف خاصة ونحن نتحتل المركز العاشر بالدورى وبجد الناس عملونى معاملة طيبة جدا وكنت سعيد جدا بالتواجد معاهم .

_ هل توافق على العمل بقطاع الناشئين ام بالعمل بالفريق الأول بالزمالك لو عرض عليك؟

أنا فعلا عرض عليا لكنى رفضت لانى أطمح بالعمل بالدورى الممتاز أو الممتاز ( ب ) ؛ نادى الزمالك دا بيتى وتوليت تدريب المستبعدين أثناء وجود جروس .

 

_ ما هى أسباب تعرض الزمالك للمشاكل دائما عقب الفوز بالبطولات ؛ وهل لمجلس الإدارة دور فى ذالك ؟

 

المشاكل دائما موجودة فى كل الأندية ولكن الزمالك حالة خاصة لوجود المستشار مرتضى منصور وتصريحاتة المثيرة للجدل لكن هو بالفعل قدر يبنى فريق وبيقدر يوفر كل شىء لكن تصريحاتة دى والأمور الى فيها شد وجذب هى الى بتعمل الازمات .

 

_ ما هو رأيك فى صفقات الزمالك هذا الموسم ؟

 

صفقات مميزة جدا ولكن أتمنى أن الاعب الكويس لا ينظر إلية كناشىء مثال مصطفى محمد الى من وجهة نظرى أنة أفضل مهاجم فى مصر كنت أرى أننا بحاجة لأثنين من المهاجمين .

_ هل يوجد عروض فى الوقت الحالى ؟

جالى عروض كثيرة الفترة الماضية ولكن قلة الإمكانيات تقف عائقا ؛ أنا عاوز أشتغل وأنجح وعملى الفترة الماضية بنادى الزمالك ومنتخب مصر والنجوم وشربين خير دليل على كلامى وإن شاء الله هاخد خطوة مهمة .

_ هل نادى شربين قادر على الصعود للممتاز (ب ) ؟

 

قادر على الصعود طبعا لكن نوعية الاعيبة الموجودة أو المدير الفنى يشتغل براحتة وعلشان نادى شربين لازم المدير الفنى يكون شاطر وعندنا إمكانيات كبيرة كوجودة ستاد كبير مش موجود ف الدقهلية كدا ؛ لكن شربين حرام تلعب ف القسم الثالث لازم الناس تتخلى عن بعض الامور علشان النادى يرجع لوضعة الطبيعى .

 

_ ما هو سبب رحيلك عن نادى شربين ؟

أنا مش بشتغل كورة علشان الفلوس الحمد لله ولكن لما أتفق على شىء وميتمش دا الى خلانى أستقيل الناس ف لنادى كلهم اخواتى ولكن فى حاجات مكنتش أتمنى تكون موجودة فى الوقت دا وبعد ما رحلت الأمور وضحت للجماهير وفى أمور مش حابب أخوض فيها وللعلم ودا أول مرة أقولها حتى فى النادى ميعرفوش أنا فى الفترة دى كنت هجيب لاعب افريقى يلعب فى الدورى العراقى على نفقتى الخاصة لانى كنت حابب أنجح وبتمنلهم التوفيق والصعود.

 

_ من هو أفضل مدير فنى تدربت معة ؟

أجنبى : كبرال

مصرى : الكابتن فاروق جعفر والذى أكن لة كل إحترام وتقدير

 

_ من هو خليفة أحمد صالح فى مصر؟

مفيش لاعب شبة حد ولكن حازم إمام وعمر جابر ومحمد هانى والنقاز مميزين جدا.

 

_ ما هو الفرق بين جروس وميتشو؟

متقدرش تقارن الاثنين ببعض دلوقتى يمكن ميتشو لسة بادى وبصماتة لسة مش واضحة بالنسبالى نقدر نقيمة بعد ٦ مباريات من الدورى العام .

 

_ هل لو عرض عليك تدريب شربين هتوافق؟

فى الفترة الحالية لاء لانى مش بشتغل درجة ثالثة مش علشان أنى أكبر منها ولكن معرفش أوعد لاعب بحاجة ومقدرش أحققها لعدم وجود أمكانيات فى الدرجة دى عموما وبالفعل رفضت عروض كثيرة لنفس السبب.

_ وجه كلمة لجماهير شربين ؟

جماهير شربين على دماغى وكانو واقفين جمبى وأنا ماسك النادى وكانو بيحضرو التمرين بأستمرار بجد أتمنى صعود الفريق من أجل هذة الجماهير

admin

رئيس مجلس ادارة موقع سبورت نيوز

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق