كتب - محمود مناسى انتقد أحمد فتحى بوجي، لاعب الزمالك ومصر المقاصة ومنتخب الشباب الأسبق، هانى رمزى المدرب العام السابق لمنتخب مصر، بسبب التصريحات التى أطلقها الأخير، ضد لاعبو المنتخب وفى مقدمتهم أحمد المحمدى كابتن المننتخب المصرى ولاعب نادى أستون فيلا الإنجليزى. وشن «بوجى» عبر صفحته الشخصية على موقع التواصل الاجتماعى «فيس بوك» هجوما شديدا على هانى رمزى قائلا: «بعد ما سمعت كلام هانى رمزى امبارح افتكرت اللقطة دى وقولت لنفسى كان لازم الرجالة تسيبنى أروح أديلو على وشه وقفاه، لأنه مش راجل ودائما بيتهرب من المسئولية، ويرميها على أى حد، مع العلم إنه بيكون هو العنصر الأساسى للفشل بالورقة والقلم والشهود». وأضاف لاعب الزمالك الأسبق: «امبارح قال إنه كان عاوز يجمع اللاعبين فى أوضته ويتكلم معاهم ويشدهم علشان يركزوا، بس كان خايف إن أجيرى يعرف ويزعل لأن ده مش من حقه!، أناأاحب أقولكم أقسم بالله هانى رمزى كان بيجمعنا ليلة الماتش الـ10 لاعبين اللى هيبداوو الماتش والكام تغيير المتوقع، ويفضل يفتكس ويغير من أسلوب لعب الخواجة، ويقول كلام غير اللى اتدربنا عليه، وغير اللى قاله المدير الفنى ومن هنا ظهر سوء الأداء فى كأس العالم». وتابع «بوجى» هجومه على رمزى: «امبارح يقولك أصل أنا مقدرش أتعدى المدير الفنى وعمال يلبس الفشل للاعبين وللمحمدى واللاعببن الكبار، والله عيب عليك يا هانى يا رمزى اللى انت بتعمله ده، وأحسنلك اسكت علشان اللاعبين الكبار لو اتكلموا انت مش هتلاقى أكاديمية تمسكها، وبطل شغل السهوكه بتاعت النسوان وكفاية مكالمات مع مقدمين البرامج المهمة وعمال تنيم فيهم علشان تتنصل من المسئولية».
