كتبت داليا عبد العزيز
نشر لاعب الكره السابق سعيد لطفي وعضو اللجنه الفنيه لقطاع الناشئين بنادي الزمالك والمحلل الرياضي بالتليفزيون المصري علي صفحته الشخصيه منتقدا اللاعب محمد صلاح متهما ايهاه بالغرور قائلا
ترددت كثيرا في كتابة هذا البوست ولكن قولت هكتبة وخلاص لو حد متابعني السنين اللي فاتت في اغلب البرامج الرياضية علطول بقول أشعار في النجم المصري محمد صلاح وهو يستحق أكثر من ذلك غصب عني مش بمزاجي عاوز اقولة يا محمد يا صلاح انت انسان ابن حلال وطيب وامك وابوك وكل اهلك بيدعولك وبتعمل خير كتير في كل مكان ولاعب ملتزم ومصلي ومجتهد عشان كده ربنا بيكرمك ونجحت نجاح غير طبيعي انت تستحقة رغم انك مش فلتة في الكورة ومصر انجبت من هو افضل منك فنيا وبفارق لكن اكيد انت لعيب كويس جدا ومن افضل لاعبي العالم توقعا لمكان الكرة واستغلالا لأخطاء المدافعين بالإضافة طبعا الي مميزات اخري كثيرة لكن اسمحلي بإحساس لاعب كرة سابق علي قدي كده اقولك انك اصابك بعض من الغرور الفترة الماضية وكان ده واضح قبل البطولة كمان وتأكدت من احساسي ومتابعتي لك انك مع منتخب مصر في بطولة الأمم والجمهور داخل الملعب وامام الشاشات حسوا انك بتلعب غصب عنك واكنك قرفان ومش مقتنع بزمايلك في الملعب وحاسس انهم اقل منك بكتيييييير وبينك وبين نفسك بتقول ايه ده انا بلعب مع نجوم في ليفربول مين دول وعمال تشوح للحكام وده ماكانش بيحصل منك مش عارف ليه عكس سايدو مانية مع منتخب السنغال مقطع نفسة تقطيع وشغال خدام علي زمايلة بغض النظر عن اضاعتة ركلتي جزاء لكنة متواضع وبينة وبين نفسة بيقول انا اقل لاعب فنيا داخل الملعب ولازم اعوض ده بالقتال داخل الملعب عشان كدة نجح في قيادة متتخب بلادة للدور قبل النهائي وأقرب المرشحين للفوز بلقب هداف البطولة والفوز بها ايضا مع منتخب بلادة انا قولت اللي شوفتوا وحسيتوا قد يختلف البعض او يتفق معي الأخرون
