يبدو ان مخرجي المباريات في الدوري المصري مش فالحين غير في الكلام فقط الا ما رحم ربي
معظم المخرجين بيخرجوا المباريات علي حسب المزاج
والامثلة كثيرة
فمثلا
مخرجي العالم كله اذا اخطأ مساعد الحكم في لعبة اوفسايد بعد اعادة المخرج للعبة وتأكد ان قرار المساعد خطأ علي طول تلاقى الكادر علي المساعد ليعلم الجميع ان المساعد اخطأ
ولو أجاد المساعد بيكون الكادر علي اللاعب اللي اخطأ
لكن في مصر العكس
لو أجاد المساعد في لعبة بيروح المخرج علي المساعد بالكادر علي طول
وحجة المخرج انه بيكافىء المساعد
نفس الحال ينطبق علي حكم الساحة لو اخطأ في فاول او انذر لاعب بالغلط في العالم الخارجي يكون الكادر علي الحكم لكن في مصر العكس علي طول
يا عبقري الإخراج حضرتك كدة بتألف
نهيك بقي لو الهجمة علي الجول تلاقي الكادر في المدرجارت او علي دكة البدلاء او في المقصورة او مفيش اعادة للاوفسايد او للعبة خطيرة
وللامانة يوجد في مصر مخرجين علي مستوى عالي جدا ولكن يتعدوا علي صوابع اليد
يجب علي رئيس التلفزيون
وإدارة الإخراج في التلفزيون المصري
اعطاء تعليمات للمخرجين بالالتزام
بمعايير وثوابت محددة لإخراج المباريات
مع الالتزام بتوفير كل طلبات المخرجين من معدات وبلاش كلمة انت عاوز كم الكاميرات دي ليه
لاننا مقبلين علي بطولة الامم الافريقية
ويجب ان يكون فيها إخراج المباريات علي مستوي عالي
مش كدة ولا ايه
